Brand Identity

品牌設計

您有冇試過買一件產品並唔係因為您缺乏嗰樣野,而係感受上您好想擁有呢個牌子嘅呢個產品?就好似有人想買某牌子嘅跑車,您覺得佢係因為想代步、想要一架開得好快嘅車、定係有左呢架車佢就有一個身份嘅象徵?相信答案已經係您心入面,品牌嘅價值原來可以高過佢嘅實體價值。

為咗令您有一個好嘅品牌設計,我哋首先會了解您嘅品牌個性。您嘅品牌性格係啲咩?係平易近人、文青、高貴、定係帶俾人歡樂?然後會協助您決定目標客戶群,係男士、女士、家庭?係 B2B (Business to Business) 定係 B2C (Business to customer)?年齡層係啲咩?價格定位係高、中定係低?有左呢啲資料,再落下一步做 logo 設計、咭片設計、包裝設計、揀啱印刷材質等,一個完整嘅品牌就誕生啦!仲唔快D搵我哋嘅品牌設計師幫手?

我哋嘅唯一目的,就係當客人有需要嘅時侯,第一時間記起您嘅品牌。

Let’s start a project

要增加品牌嘅記憶點,除咗要分辨到您嘅品牌同人哋有咩唔同,有咩能夠突圍而出外,保持一致性都好緊要。品牌嘅外觀同埋骨子裡嘅態度一致,可以令客人加深對您理念嘅了解,增加再次光臨嘅機會。如果服裝品牌有一個感覺好環保嘅包裝設計,但賣嘅係皮草衣物,就會令人無所適從;或者餐廳嘅餐牌設計同埋食物相片好靚好有格調,但食物質素好一般,客人可能只會幫襯一次;反過黎,如果餐廳嘅食物質素好好,但餐牌同埋裡面嘅食物相片賣相唔吸引,就會流失第一次入嚟幫襯嘅客人。

品牌嘅內在,相信您比我哋更加專業,至於外在,我哋嘅專業品牌設計師會致力幫您提升品牌價值。由 Logo 設計開始,Logo 俾人嘅感覺、比例、用法;品牌形象,包括顏色、插畫、pattern 等;同埋品牌嘅各種應用,例如咭片設計、信封信紙設計、包裝設計、宣傳風格、印刷材質。我哋只有一個目的,就係當客人有需要嘅時侯,第一時間記起您嘅品牌。

拎設計報價