基督教家庭服務中心50+再想像書刊設計

由基督教家庭服務中心主辦，香港賽馬會慈善信託基金協辦嘅賽馬會50+共創豐盛計劃，積極幫助50+中年人士建立社企創業，鼓勵佢哋探索人生下半場，肯定自我價值，持續學習，幫助更多有需要嘅人。

喺呢個計劃完成後，主辦單位編輯咗一本書刊，用嚟介紹計劃目的、參加者創業過程同埋工作坊花絮。我哋擔任咗書刊排版、書刊設計同書刊印刷嘅角色。

為咗突顯文藝創意元素，排版設計師刻意用咗一種外國傳統嘅釘裝方法，叫蝴蝶釘。蝴蝶釘嘅特色係有兩個突出嘅半圓形鐵環，方便當時外國人將幾本唔同嘅蝴蝶釘書刊，組合成一本，方便攜帶。時至今日，雖然佢嘅實用性未必好強，但係傳統而有趣嘅外觀，能提高讀者嘅興趣，令人更有意慾收藏。

除此之外，排版設計師用咗兩個唔同尺寸嘅紙去釘裝成書，封面頁面面積較小，中間頁面面積較大。希望更進一步營造出文化創意嘅可能性，象徵跳出固有框架，鼓勵人將不可能變成可能。書刊設計用簡約風格排版，以有限色彩，配合簡單色塊同線條，讓讀者將焦點放喺文字同埋獨特嘅書刊印刷上。

透過呢本書刊，我哋希望呈現出書刊印刷都有唔同嘅一面，並鼓勵大家就算任何年紀，都要勇於挑戰同埋嘗試，創造獨一無二嘅人生。