香港大學招生資訊日展覽設計及製作

每年嘅大學資訊日 (Info Day) 係各大院校展示品牌實力嘅重要時刻。我哋好榮幸受到香港大學教育學院 (HKU Faculty of Education) 委託，由視覺設計、印刷，到現場安裝製作，一站式包辦今年嘅招生展覽。

設計核心概念

今年我哋以科技驅動與專業智慧為主題，喺視覺系統 (Key Visual) 上做咗大膽嘗試。
色彩與線條 – 以深藍色為主調體現專業感，配以簡單、粗線條設計，象徵科技同未來教育嘅連結。
視覺優化 – 考慮到 Info Day 當日人頭湧湧，我哋特意加強咗設計嘅對比度，確保參觀者喺遠處都可以一眼認出學院品牌。

空間佈置安裝與引導系統

展覽橫跨室內同半室外空間，我哋針對唔同環境規劃咗相應方案。
戶外吸睛亮點：喺休憩公園旁設置咗 3米 x 1.2米 L型大型背幕 (Backdrop)，配合 LED 發光學系名稱，即使喺自然光下都非常搶眼，成功吸引學生同家長駐足。
立體視覺體驗：加入咗兩個 1.3米高嘅立體裝置，打破平面設計嘅單調感，增加現場嘅互動同打卡位。
精準人流引導：針對校園複雜嘅環境，我哋設計咗包括懸浮 Banner、巴士站外Banner、站立展板等全方位引導系統，確保學生可以順利去到展覽區。

攤位設計與學科識別

室內展區有8個學科攤位，我哋嘅挑戰在於「統一得嚟又要見到變化」。
顏色區分：每個學科都有專屬顏色，應用喺小背幕同 1.5米流動攤位上，方便學生快速分類資訊。
團隊形象：同步設計埋活動 T-shirt，提升現場工作人員嘅凝聚力同識別度。

深度內容呈現

除咗場地設計，我哋亦負責入學指南書冊嘅設計排版。由課程特色、排名到舊生分享，透過品牌視覺延伸，將複雜嘅資訊轉化成易讀、精美嘅宣傳手冊。