四季人生戲劇表演宣傳刊物設計

香港聾人福利促進會係香港一間非牟利機構，佢哋致力幫助聽障人士融入社會，為聽障人士爭取更加多福利同埋發展機會。

為慶祝成立55週年，聾福會聯同「有骨氣」舉辦咗《四季人生》舞台劇，將聽障、健聽、手語呈現係舞台劇上，實現共融藝術。《四季人生》係改編自聽障人士嘅真實故事，通過四季嘅代表性，描述佢哋喺唔同年齡階段嘅各種經歷，描繪佢哋如何克服困難，與聽障和諧共處，活出快樂人生。

喺呢套戲劇表演中，我哋提供咗海報設計、電郵邀請咭設計、舞台劇場刊設計、門票設計，同埋巴士車身廣告設計。平面設計師為咗讓宣傳設計更有故事性，將畫面嘅焦點放係主角嘅耳仔上，微風吹過，象徵春夏秋冬嘅四片葉子飄落到耳仔旁邊，整體氛圍令人不期然想，究竟呢個人經歷咗啲咩事呢？藉此誘發讀者對主角嘅故事產生更多興趣。

喺設計風格上，設計師用咗油畫筆刷風格，手繪油畫感覺帶有溫度，令讀者更有親切感。顏色上，耳仔、面頰同頭髮都用左淡色處理，以突出樹葉豐富而鮮艷嘅顏色，突顯四季主題。為咗進一步加強人性化嘅感覺，《四季人生》標題用上手寫字，筆劃流動配合風的方向，讓標題文字融入插畫之中。