Ideaplay 創意網站設計

Ideaplay係一間生產能夠同小朋友互動嘅裝飾品網店，佢哋嘅目標係培養小朋友嘅創造力，同時為環保出一分力。因為佢哋嘅產品用左黑板漆同白板漆，讓小朋友可以重複係裝飾品上面畫畫。就住創意呢個主題，設計師亦使出無限創意，將呢個網站設計成開心、有趣、好玩嘅網頁。設計師用左logo顏色-黑色同埋黃色，以及同黃色有明顯對比嘅天藍色作為主色調。黑色能令人聯想起一大塊黑板嘅感覺；黃色帶俾人有活力、雀躍嘅心情；藍色襯托黃色，形成強烈對比，表現出澎湃嘅創意。排版上同普遍嘅網頁設計唔同，設計師用筆觸嘅圖案、以水彩顏色作為邊框嘅相片、能突顯標題嘅用色同埋排列、留白位置嘅排版等，令呢個網頁設計有更多空間感同埋設計感。